Efling menntunar í ferðaþjónustu og matvælaframleiðslu á Vesturlandi

Efling menntunar
í ferðaþjónustu og matvælaframleiðslu á Vesturlandi

Um verkefnið

Matvælaframleiðsla hefur um árabil verið ein af undirstöðu atvinnugreinum Vestlendinga. Ferðaþjónusta hins vegar hefur verið ört vaxandi og umfang hennar í atvinnulífi Vestlendinga orðið umtalsvert. Í Sóknaráætlun Vesturlands 2013 voru þessar atvinnugreinar skilgreindar sem lykil atvinnugreinar. Á íbúaþingi Vestlendinga í maí 2015 var sú afstaða ítrekuð af fundarmönnum og leggja bæri áherslu á að efla þessar atvinnugreinar eins og kostur væri.
Áhersluverkefnið efling menntunar í ferðaþjónustu og matvælaframleiðslu á Vesturlandi hefur einmitt þann tilgang að efla greinarnar eins og kostur er í gegnum aukið framboð menntunar og þjónustu fræðsluaðila á Vesturlandi.

Verkefnislýsing

Verkefnið hefur víðtæka tengingu við Sóknaráætlun Vesturlands.

Í fyrsta lagi þá tengist það markmiðum sem koma fram í samningi um sóknaráætlun varðandi það að styrkja mannauð á Vesturlandi.
Í öðru lagi varð mikil umræða á Íbúaþingi Vesturlands 4. maí 2015 um að með meiri þekkingu mætti auka gæði í ferðaþjónustu og matvælaframleiðslu.
Í þriðja lagi tengist verkefnið leiðarljósi Sóknaráætlunar Vesturlands um gæði.
Í fjórða lagi á verkefnið hljómgrunn í framtíðarsýn Vestlendinga varðandi mannauð, matvælaframleiðslu og ferðaþjónustu.
Loks tengist það markmiðum Sóknaráætlunar Vesturlands um eflingu mannauðs, að styrkja matvælaframleiðslu og markmiðum um ferðaþjónustu.

Verkþættir

Samantekt yfir framboð náms fyrir ferðaþjónustu og matvælaframleiðslu.
Vinna að greiningu fræðsluþarfar í ferðaþjónustu og matvælaframleiðslu.
Vinna að námskeiðum fyrir ferðaþjónustuna og matvælaframleiðsluna.
Kynning náms í ferðaþjónustu og matvælaframleiðslu haustið 2016.

Markmið verkefnis

Markmiðin með áhersluverkefninu eru bjóða þeim sem vinna við ferðaþjónustu og matvælaframleiðslu á Vesturlandi upp á aukin tækifæri til menntunar. Með því að uppfylla þau markmið er leitast við að:

hækka menntunarstig í ferðaþjónustu
hækka menntunarstig í matvælaframleiðslu
efla gæði í þjónustu og framleiðslu

Verkefnisstjórn

Tvær verkefnastjórnir voru tilnefndar af SSV og Háskólanum á Bifröst var falin stjórn verkefnisins. Verkefnastjórnir ákváðu á fyrsta fundi að starfa sem einn hópur og í honum sitja:

Edda Arinbjarnar í Húsafelli, Ferðamálasamtök Vesturlands
Guðrún Lárusdóttir, Landbúnaðarháskóli Íslands
Inga Dóra Halldórsdóttir, Símenntun Vesturlands
Kristján Guðmundsson, Markaðsstofa Vesturlands
Magnús. S. Snorrason, Háskólinn á Bifröst
Margrét Björk Björnsdóttir, SSV -atvinnuþróunarfélagið
Ragnhildur Sigurðardóttir, Ferðamálasamtök Vesturlands
Þorgrímur Einar Guðbjartsson, Fulltrúi úr atvinnulífinu
Þórhildur Þorsteinsdóttir, Búnaðarsamtök Vesturlands

Verkefnisstjóri er Signý Óskarsdóttir, Háskólinn á Bifröst

Greining á fræðsluþörf í ferðaþjónustu
og matvælaframleiðslu á Vesturlandi

Við þarfagreininguna voru nýtt fyrirliggjandi gögn frá aðilum ferðaþjónustunnar og ákveðið var að styðjast við niðurstöður úr könnun Stjórnstöðvar ferðamála um mannafla- og fræðsluþörf í greininni, sem kom út í júní 2016. Einnig voru notuð óformleg samtöl við aðila í ferðaþjónustu og matvælaiðnaði.

Skipulögð var vinnustofa þann 30. apríl 2016 með aðilum úr matvælaframleiðslu á Vesturlandi og fræðsluaðilum. Boð um þátttöku í vinnustofunni var sent á um það bil 80 fyrirtæki og einstaklinga í matvælaframleiðslu á Vesturlandi, auk þess sem sömu aðilar fengu tækifæri til að koma hugmyndum og skoðunum á framfæri í gegnum netkönnun. Í vinnustofunni voru settar fram hugmyndir um forgangsröðun verkefna og hugmyndir að aukinni samvinnu og menntun í matvælaframleiðslu á Vesturlandi.

Þarfagreining verkefnisins sýndi fram á þörf fyrir stutt, hnitmiðuð og praktísk námskeið sem ekki krefjast þess að þátttakendur fari í lengri tíma frá sínum vinnustað. Blanda af stað- og fjarnámi var nefnd sem góður kostur.

Þörf er fyrir aukna fræðslu og þjálfun almennt í þjónustu, samskiptum, gestrisni og gæðum.

Starfsþjálfun á vinnustað er æskilegur kostur.

Einnig er þörf fyrir leiðsögunám og sérhæft leiðsögunám.

Styðja þarf við frumkvöðla í heimavinnslu og smærri framleiðslu og fram kom hugmynd um námskeiðaröð sem styður við þróun vöru frá hugmynd til afurðar.

Það skal tekið fram að strax í upphafi verkefnisins ákvað verkefnisstjórnin að leggja áherslu á þarfir smærri matvælaframleiðenda og heimaframleiðslu á Vesturlandi. Hins vegar stendur stærri framleiðslufyrirtækjum til boða að nýta sér þjónustu fræðsluaðila sem bjóða upp á sérsniðið nám eftir þörfum.

Námsframboð fræðsluaðila á Vesturlandi

Það framboð náms sem hér er kynnt er afurð þarfagreiningar og forgangsröðunar verkefnastjórna fyrir áhersluverkefni um eflingu menntunar í ferðaþjónustu og matvælaframleiðslu. Auk þeirra námskeiða sem hér eru upp talin er hægt að óska eftir ráðgjöf og sérsniðinni fræðslu fyrir ferðaþjónustu- og matvælafyrirtæki.

Ferðaþjónusta

Símenntun Háskólans á Bifröst

Starfsþjálfun í ferðaþjónustu
Gæðastjórnun í ferðaþjónustu – sérstök áhersla á VAKANN
Menningartengd ferðaþjónusta
Viðburðastjórnun
Mannauðsstjórnun
Markaðssetning
Stofnun og rekstur ferðaþjónustufyrirtækja
Nýsköpun í ferðaþjónustu
Fjármál og skattskil
Þjónusta og gestrisni
Framkoma og tjáning
Enska í ferðaþjónustu
Styrkumsóknir

Símenntunarmiðstöð Vesturlands

Námskeið fyrir starfsmenn í eldhúsum
Námskeið fyrir starfsmenn í hótelþrifum
Leiðsögunám

Matvælaframleiðsla

Símenntunarmiðstöð Vesturlands

Frá hugmynd til afurða – 40 klst. námskeiðaröð
Vöruhönnun
Meðferð matvæla

Landbúnaðarháskóli Íslands í samvinnu við Matís

Fullvinnsla lambakjöts námskeiðsvefur í vinnslu

Ráðgjöf og sérsniðin fræðsla

Sérsniðið nám og fræðsla er í boði fyrir ferðaþjónustu- og
matvælafyrirtæki sem og aðra starfsemi.

Hægt er að óska eftir heimsókn frá fræðsluaðilum sem gera fræðsluáætlun í takt við þarfir á hverjum stað.

Símenntun Háskólans á Bifröst
Símenntunarmiðstöð Vesturlands
Endurmenntun Lanbúnaðarháskóla Íslands

Fræðsluaðilar

Margir sinna fræðslu fyrir ferðaþjónustu og matvælaframleiðendur. Í áhersluverkefni um eflingu menntunar í ferðaþjónustu og matvælaframleiðslu á Vesturlandi hafa Háskólinn á Bifröst, Landbúnaðarháskóli Íslands og Símenntunarmiðtöðin á Vesturlandi lagt sérstaka áherslu á að koma til móts við þarfir í báðum greinum, sjá nánar undir námsframboð.

Á landsvísu eru margir aðilar sem sinna bæði formlegu og óformlegu námi í greinunum og má kynna sér það hér neðar. Athugið að ekki er um tæmandi lista að ræða.

Formlegt nám í ferðaþjónustu

Framhaldsskóla- og háskólanám

Háskólinn á Bifröst
Háskóli Íslands
Háskólinn á Hólum
Landbúnaðarháskóli Íslands
Endurmenntun HÍ
Símenntun Háskólans á Akureyri
Menntaskólinn í Kópavogi
Fjarmenntaskólinn
Verkmenntaskólinn á Akureyri
Menntaskólinn á Tröllaskaga
Keilir
Flugskóli Íslands